“A-ARGIUS…” nauutal na sambit ni Iza habang nakalapat sa tainga ang kanyang cellphone.
Kanina lang ay gustong makausap ni Iza si Argius pero ngayong ito na mismo ang tumatawag sa kanya ay umurong na ata ang dila niya. Hindi niya alam kung ano ang kanyang sasabihin dito.
“Are you okay? Nasaktan ka ba kanina?” magkasunod na tanong ni Argius. Nahimigan niya ang pag-aalala sa boses nito.
“Uhm... hindi naman, I'm okay. I-ikaw?” aniya. Pumiyok pa siya.
“I'm fine,” sagot nito. Gumaralgal ang tinig nito. “I'm sorry, I lost control. I didn't mean to ruin our date. Ayaw ko lang na nababastos ka,” apologetic nitong sabi.
“Okay lang 'yon. Hindi mo naman kasalanan. Makulit kasi 'yong lalaki.”
“I'll call you soon if I have time to meet you. I'm going to Italy tomorrow for some business matter,” p
