NAGTATAKA si Iza bakit biglang nanahimik si Argius. Nag-angat siya ng mukha upang makita niya ang mukha nito. Nakapikit ito. Tulog na ata. Hindi na lamang siya nagsalita. Inihilig niya ang kanyang ulo sa matigas nitong dibdib at pumikit.
Okay lang na nakapatong siya rito. Komportable naman siya. Kung magtatabi kasi sila ay baka mahulog na siya. Sa laki ng katawan nito ay napakaliit lang ng maiiwang space sa kama para sa kanya. Kalahating katawan lang ata niya ang kasya.
Nagising si Iza na mag-isa na lamang siya sa kama. Hindi niya maramdaman ang presensiya ni Argius sa kuwarto. Hindi niya alam kung anong oras na pero natitiyak niya na umaga na dahil maliwanag na sa labas kahit halos puro ulap lang ang kanyang nakikita.
Bumangon siya para maligo. Binuksan niya ang kanyang maleta para kum
