NANGINGINIG ang mga laman ni Iza habang lulan siya ng taxi. Pabalik na siya sa Orchedia. Hindi pa siya nag-luch kaya lalo siyang nanginig at nalipasan na ng gutom. Hindi niya maintindihan bakit patuloy pa rin sa pagpatak ang kanyang luha. Naiinis siya, nalilito, nahihirapan. Iginiit niya sa sarili na hindi totoo ang mga sinabi ni George hinggil sa pagkatao ni Argius. Pero bakit may pakiramdam siya na parang totoo ang lahat?
Pagdating sa Orchedia ay dumiretso ang dalaga sa kanyang opisina. Pupungas-pungas pa siya at pilit nililinis ang bakas ng luha sa kanyang pisngi at mga mata. Pagbukas ng pinto ng opisina ay napako ang mga paa niya sa sahig nang mamataan niya si Argius na nakaluklok sa ibabaw ng office table niya. Nakasuot ito ng itim na polo, itim na fitted jeans. His aura was also dar
