MARIING napapikit si Iza nang madatnan niya si Argius sa kanyang opisina. Nag-ikot lang naman siya sa buong gusali. Napag-isip-isip kasi niya na sa tagal niyang pagtatrabaho sa Orchedia ay hindi pa niya nalibot ang buong gusali. Limited lang kasi ang area na napupuntahan niya noong nasa-accounting siya.
Muli siyang dumilat. Nakaupo si Argius sa swivel chair niya at hinihipo ang baba nito. Hindi naman ito mukhang galit. Kailangan maunahan na niya ito ng paliwanag.
“Naglibot lang ako sa buong gusali. Nakakainip kasi rito. Natapos ko naman ang paperwork,” aniya.
“I'm not asking you, princess,” supladong supalpal nito sa kanya. Tumayo ito at lumabas sa lamesa. “Nandito ako para sunduin ka. Uuwi na tayo at sa condo ko ikaw matutulog ngayong gabi,” sabi nito.
Napaawang ang bibig niya. Pagtin
