MASYADONG excited si Shea na makita si Eldridge. Sa loob nang dalawang buwan na nawala siya sa Pilipinas ay sobrang na-miss niya ang binata. Katulad ng kanilang napag-usapan noon ay bawal siyang dalawin ni Eldridge habang nasa Japan siya. Dahil ang gusto nga niya ay ma-miss nila ng sobra ang isa’t isa. Kaya naman pagkauwi niya sa kanyang unit ay nag-shower lang siya at umalis na rin para pumunta sa bahay nito.
Alam niya na walang tao sa bahay nito dahil nasa trabaho pa ito ng mga sandaling iyon. At dahil wala rin siyang spare key ng bahay ni Eldridge kaya nakontento siyang maghintay sa may kotse niya. Malapit na rin namang mag-ala sais kaya siguradong malapit na rin itong umuwi. Hindi rin naman alam ni Eldridge na ngayong araw na ito ang uwi niya ng bansa. Dahil hindi niya sinabi. Gusto n
