"Happiness, malalagot ako kay mama ko. Pwede bang akuin mo na lang? Please?" pakiusap ni Lala sa akin habang nakatitig kami sa basag sa vase. Sa pagkakaalam ko'y regalo pa ang vase na ito ni Tiyo Bogs. Kaya talagang nanginginig si Lala sa sobrang takot. Spoiled ito ni Tiya Carmelita. Pero kapag galit si Tiya Carmelita ay delikado talaga ang pinsan ko.
"Ha? Naku, Lala! Takot ako kay Tiya Carmelita. Ayaw ko."
"Happiness, maawa ka naman sa akin. Hindi ko naman sinasadya. Hinabol mo kasi ako sa part na ito. Dapat sa labas lang, eh. Please, ibibigay ko sa 'yo iyong bago kong laruan. Sa 'yo na iyon. Pero sabihin mo kay mama na ikaw ang nakabasag. Please. Please." Pagmamakaawa nito.
"No, a-yaw ko. Mapapalo n'ya ako kapag inako ko---"
"Mama?" tumakbo si Lala sa paanan ng hagdan. Nandoon si Tiy
