SA BAWAT araw na lumilipas ay ramdam ko parang unti-unti ngang lumalaki ang tiyan ko, at mas lalong lumalala ang paglilihi ko; nagiging mapili ako sa mga pagkain, nagiging masilan ang pang-amoy ko, kapag hindi ko magustuhan ang amoy ay nasusuka ako. Kahit anong pilit kong pagpipigil sa sarili ko na huwag mag-inarte ay hindi ko pa rin mapigilan, natatakot na rin akong mapag-initan ni William, pero mabuti na lang ay parang humahaba yata ang pasensya nito sa akin. Siguro ay dahil buntis ako at siya ang nakabuntis sa akin, anak niya ang dinadala ko kaya hinahabaan niya ang pasensya sa akin. Kahit papaano ay naging pabor naman sa akin ang kanyang pagiging mapagpasensya. Pero siguro kung hindi lang ako buntis ay patuloy pa rin ang pambubugbog niya sa akin.
Ngayon ay kasalukuyan akong nag-aalmus
