TUWANG-TUWA ang grandparents ni Kuya Daniel nang malaman na buntis ako. Hindi ko naman alam kung paano ko sasabihin ang totoo, hindi ko alam kung paano ipaliwanag sa kanila na hindi naman apo nila ang nakabuntis sa akin kundi ibang lalaki. Nakokonsensya ako sa totoo lang, ang saya-saya pa naman ng dalawang matanda. Si Kuya Daniel ay parang hindi rin alam kung ano ang sasabihin, bumuka ang bibig nito na parang gustong magsalita para sabihin ang totoo pero hindi matuloy-tuloy, siguro ay dahil ayaw din masira ang saya sa mukha ng dalawang matanda.
“Dapat mag-celebrate tayong lahat buong pamilya, dahil sa wakas magkakaroon na tayo ng bagong apo,” masayang wika ng Lola ni Kuya Daniel na agad namang sinang-ayunan ng asawa nito.
“Aba dapat lang magkaroon tayo ng celebration. Tatawagan ko mamaya
