JAM POV,
HINDI ko inaasahan na pagdating namin sa Cagayan Valley Twin’s V Private Resort. Naroon din ang mga elders lalo na ang twin’s chairman. Paano nila nalaman ang tungkol sa bakasyon namin ng ilang araw?
“A-Andrius, akala ko ba tayo lang ang mga naririto?”
“Hindi ko rin alam, honey wala namang nagsabi sa aking na pati sila ay pupunta dito.”
“Huwag na kayong magtaka, dahil basta family gatherings ay automatically alam agad ng buong angkan.”
“At sino ang nagsabi ng tungkol sa lakad natin na ito, Troy?”
“Aba ewan ko… teka muna kung makatingin ka ay bakit parang ako ang pinaghihinalaan mo?”
“Isa ka kasi sa madaldal eh malay kong ikaw ang nag balita sa mga elders?”
“Bakit hindi mo tanungin ang first cousin mong babaero. Baka siya ang namalita sa lahat ng tungkol sa bakasyon natin?”
