Pagmulat ng aking mga mata ay dahan-dahan kong nilapat ang mga paa ko sa sahig ng hotel at ang mga hakbang ay inggat na inggat para hindi ko maisturbo ang tulog niya.
Dumiretso ako sa banyo at gusto kong maiyak sa inis.
Ang laki ng bathtub sa bathroom pero hindi man lang namin nasubukan i-enjoy ang aming sarili.
Magiging komportable sana kaming dalawa rito dahil kasya na kasya kami.
Pero wala na akong magagawa dahil lumipas na ang malamig na gabi.
Tanging nagbibigay init lang sa katawan ko kagabi ay ang mga yakap niya.
May nakita ako ngayon na toothbrush na hindi pa nabubuksan. Tanda na hindi pa ito nagagamit kaya walang alinlangan ko naman iyong kinuha.
Kinuha ko rin ang toothpaste sa lalagyan at kaagad na nagsipilyo ng aking ngipin.
Madaling araw pa naman ngayon kaya hind
