HINDI alam ni Rain kung ano ang uunahin niya. Pinanggigilan na ng mama niya ang doorbell. Lalo siyang nataranta, sininop ang gamit ni Kaiden na nagkalat sa sahig, maging sapatos nito. Hindi naman siya maririnig ng mama niya mula sa labas.
“Kaiden, magtago ka! Nasa labas si Mama!” sigaw niya.
Tila hindi siya narinig ni Kaiden. Kung patatagalin niya ang pagbukas ng pinto ay magdududa ang mama niya. Mamaya ay lumabas si Kaiden, tanging tuwalaya ang sapin sa ibabang katawan.
“What happened?” tanong pa nito.
“Magtago ka! Si Mama dumating!” hindi mapakaling sabi niya.
“Sh*t!” Napatakbo naman sa kuwarto si Kaiden.
Nang kalampagin na ng mama niya ang pinto ay napilitan siyang buksan ito. Galit nitong mukha ang bumungad sa kaniya, nanlilisik ang mga mata.
“Bakit pinagsarhan mo ulit ako ng pi
