BLESSY
HINDI nakaligtas sa aking paningin ang pagkunot ng noo ni Dux nang mapatingin siya sa akin habang bumababa rito sa hagdan habang siya naman ay naghihintay sa sala. Hindi niya inalis ang tingin sa akin, partikular na sa mahahaba at mapuputing hita ko, hanggang sa makalapit ako sa kaniya.
“Hey, babe. What’s wrong?” Kinunutan ko rin siya ng noo. “Don’t tell me na na-in love ka na naman sa asawa mo?” biro ko na lang sa kaniya bago ko siya kinindatan.
Pero hindi siya natawa. Nanatiling seryoso ang kaniyang mukha habang paulit-ulit akong tinitingnan mula ulo hanggang paa. “Bakit ganiyan ang suot mo?”
Muling nagsalubong ang mga kilay ko. “Why? What’s wrong with my outfit?” Nagtataka na napatingin ako sa sarili ko. Turtle neck sleeveless ang pang-itaas ko at red shorts naman sa ibaba na
