BLESSY
“SO, ayun nga… Wala na akong ibang mapupuntahan nang mamatay si Granny sa England. Mabuti na lang at nakilala ko si Rusty na isang Filipino-British multi-millionaire. Kinupkop niya ako hanggang sa naging… kami. Ang bait niya… sobra! Iyon nga lang, kung gaano siya kabait. But unfortunately, kung gaano siya kabait, gano’n naman siya kaseloso. Lately na lang ako nakagamit uli ng kahit anong social media account. Dahil wala na siya…” malungkot na pagpapatuloy ng kuwento ni Banjie nang makapasok kami dito sa loob ng office ko.
Napahugot ako ng malalim na hininga pagkatapos kong marinig ang buong kuwento ng childhood best friend ko matapos ko siyang sumbatan kung bakit sa hinaba-haba ng panahon ay ngayon na lang siya uli nagpakita. Naiintindihan ko na ngayon. Magkahalong paghanga at sim
