BLESSY
NAKANGITI ako nang huminto ang sasakyang minamaneho ni Ion sa tapat ng Reyes Learning Center. May dalawang buwan na rin simula nang mag-operate ito. At masaya ako na sa loob ng mga panahong iyon, so far, nama-manage ko naman nang mabuti ang oras ko.
Sa umaga, si Dux ang bumabangon nang maaga para maghanda ng aming almusal. Ako naman ang nag-aasikaso sa pagpasok ng mga bata. Mas maagang umaalis sina Catriona at Clay kaya sila ang unang inihahatid ni Ion. Sabay-sabay naman kaming umaalis ni Dux at ng kambal. Una naming hinahatid ang mga bata at saka sunod na idinadaan namin ni Ion sa munisipyo ang asawa ko. Tapos ako ang huli dahil nasa dulo itong school.
Kapag 10:30 AM na, pagkatapos ng klase nina Bradford at Sebastian, lumalabas ako sandali para sunduin sila. Dinadala ko na sila
