BLESSY
“MOM, bakit po gising kayo?” Napahinto ako sa paghigop sa kape nang mula rito sa veranda ay narinig ko ang boses na iyon ni Clay mula sa aking likuran.
Nakahanda na ang matamis na ngiti sa aking mga labi nang lumingon ako sa kaniya. “Hinihintay ko pa kasi ang Daddy mo, anak. Tumawag siya kanina at sinabing ma-le-late daw ng uwi,” masuyong paliwanag ko sa kaniya.
At habang kinakausap ko si Clay ay hindi ko mapigilan na suyurin siya ng tingin mula ulo hanggang sa mga paa niya. He seems very grown up for a sixteen-year-old. Naglalaban ang tuwa at lungkot na nadarama ng puso ko. Masaya ako dahil malaki na ang panganay ko at nakikita ko na napalaki namin siya nang tama ni Dux. But at the same time, nalulungkot dahil ilang taon na lang at tuluyan na rin siyang magkakaroon ng sariling
