Chapter 104
NAALIMPUNGTAN si Sia nang magising siya sa paggalaw ng kama niya, pakiramdam niya hindi lang siya ang naroon sa silid niya, halos binuhos niya ang sarili na malunod sa alak at kalasingan. Gusto niyang makalimutan na wala na siyang kapangyarihan at pagiging pabaya niya sa mga kasama kung bakit muling bumagsak ang Templar sa kamay niya. Ang akala niya makakabawi na siya sa lahat ngunit nagkakamali siya, hindi niya inaasahan na mangyayari ito sa kanya at sa mga kasamahan.
Puno ng kalat ang silid niya lalo na ang bote ng alak, hindi niya alam kung ilang oras na ang lumipas, gusto man niyang bumangon at malaman kung sino ang naglilikot sa silid niya’y hindi niya magawa dahil sa matinding pagkahilo mas matindi pa sa unang pagkakataon na nilasing siya sa kapangyarihan ni L.
Hindi n
