Chapter 67
WALA ako sa mood na sumali sa Festum kung hindi lang kailangan, ayos lang naman siguro ang hindi ako manalo? Kung andito ba sila ama, pipilitin ba talaga nila akong sumali rito? Marami pa rin akong katanungan sa isip ko at iilan lang doon ang nasasagot. Nasa proseso pa rin ako kung saan kailangan ko pang kilalanin ng husto ang sarili ko at kakayahan ko.
Ang bawat isa sa amin ay may sariling pinto at silid na papasukin para sa unang pagsusulit, naghihintay na lang kami ng hudyat ni Fustino para sa pagpasok namin at makaharap ang aming kinatatakutan. Habang tumatagal mas lalong lumalakas ang kalabog ng dibdib ko, habang nakatapat ako sa pinto hindi mawala sa isip ko ang makahulugang paalala ni Nikita sa ‘kin bago ako magpahinga kagabi.
“Ang pagsusulit ay mag-uumpisa na, ito a
