Chapter 28
“Wala kang karapatan gawin ito sa ‘kin,” nanginginig kong sabi sa kanya habang nakatagilid pa rin ako saka umaangat ng bahagya ang ulo niya, lumuwag ang pagkakahawak niya sa ‘kin, “hindi ibig sabihin na may koneksyon tayo at propisiyang kailangan mangyari, kailangan mo nang gawin sa ‘kin lahat ng gusto mo.”
Tuluyang nang lumuwag ang pagkakahawak niya sa mga huli kong sinabi sa kanya. Tumayo siya, agad akong naupo, nanlilisik ang mga mata kong nakatitig sa kanya, hindi ko maintindihan o mabasa ang nasa isip niya dahil wala akong emosyon sa mga mata niya na para bang hindi niya pinagsisisihan ang ginawa niya sa ‘kin.
“Bakit mo ba pinagpipilitan? Diba may relasyon kayo ni Mare?” Hindi ko na mapigilan ang sarili ko at wala na akong pakialam, “tinatago lang ninyo sa kanila---”
“W
