Chapter 95
“Kung mabilis tayong natapos baka tayo pa ang second or third place,” bahagyang nainis na wika ng dalagang si Yannie dahil sa pagkatalo nila.
Hindi pa rin makapaniwala si Sia sa larong iyon at kahit tapos na sila’y naroon pa rin ang pakiramdam ni Sia na hindi pa rin mapakalma ang kanyang puso sa kaba. Hinayaan na lamang niya si Yannie na mainis ito.
“Okay, guys, iinom na muna ako,” saka sila iniwan nito saka dumiretso sa mga display na alak.
“Okay ka lang?”
Napasulyap siya kay Geo nang tanungin siya nito, hindi siya agad nakasagot at napansin din niyang lumingon sa kanila si Elrich.
“Oo naman,” tipid na sagot ni Sia.
“Kanina ka pa tulala pagkatapos ng laro, sigurado ka ba? Baka pagod ka na pwede naman na siguro tayong umuwi,” suwestyon ni Geo.
“Mamaya na at nag-enjoy pa
