Minsan Pa
AiTenshi
Part 11
"Inay, si Joem po kaibigan namin ni Meg," ang pagpapakilala ko noong makita ko si Inay na nakaupo sa likod bahay at nagpapahangin. Lumapit sa kanya si Joem at nagmano tanda ng pag galang. Tumango lang si Inay at nagbitiw ng simpleng ngiti.
"Siguro ay nagtataka ka kung bakit di nagsasalita si Inay, ang totoo ay madalang siyang kumibo buhat noong magkaroon siya isang malalang trauma. Pinatingnan na namin siya ang sabi ay babalik rin ito sa dati, wala lang nakaka alam kung kailan pero hindi naman kami nagkukulang ng pag aalaga ni Meg sa kanya, nga pala kumusta ang tulog mo kagabi? Medyo matigas yung papag na higaan ko pero maganda na rin ito kaysa naman doon ka sa lupa humiga," ang wika ko sa kanya.
"Maayos naman yung tulog ko, makirot lang yung katawan ko," an
