XV
Tirik na ang araw, pero hindi pa rin nakakapagpahinga si Nathan, tanging kape at tinapay pa lamang ang nakakain niya. Binabantayan niya si Grace na ngayon ay tulog sa kanyang opisina, iniisip-isip niya kong tama pa ba ang mga hakbang na ginagawa niya, na tama bang makipagtulungan siya sa isa pang kriminal sa bayan.
Hindi niya gustong ilayo ang dalaga sa kasiyahan nito, hindi man sabihin sa kanya ni Grace, nararamdaman niyang nag-aalala ito sa binatang si Jude, huminga siya ng malalim bago huling pinagmasdan ang dalaga at lumabas ng silid.
Balak niya sanang bilhan ng almusal ang dalaga pero pagkalabas niya ay agad na sumalubong si Austin sa kanya, “anong ginagawa mo rito? Diba may inutos ako sayo.”
Nag-aalala ang mukha ni Austin, “tapos na po, hindi ko po alam kong tama ba ‘yong sina
