“MAY taong naidemanda ang kaibigan ko at sabi na-release na ang arrest warrant,” sagot ni Angela kay Azrael. Itinulak niya ulit ito sa balikat dahil pilit lumalapit sa kan’ya.
“Mabuti pa ang kaibigan mo, tiba-tiba sa simpatiya mo. Samantalang ako, bihira ka lang magtanong kung kumusta ang laban ko sa kasong pagpatay sa tatay ko,” may himanpong sabi ni Azrael.
“I’m not asking you but I’m observing. I know what happened to your family. Inaalam ko naman kung ano na ang nangyari sa pagtugis mo sa nagpapatay sa tatay mo,” depensa niya.
Napabuntonghininga si Azrael. “Oo nga pala, nagtatanong ka. Anyway, good night!” anito at bigla siyang hinalikan sa pisngi.
Sa halip na pumitlag ay natigilan pa siya. Nakalayo na sa kan’ya si Azrael nang habulin niya ng mahayap na tingin. Pangiti-ngiti lang a
