"ANO ba ang nangyayari sa iyo, anak? Bigla ka na lang nawawala at tingnan mo nga ang sarili mo," bungad ni Rosana kay Martina nang makarating sila ng Tatay niya sa bahay nila.
"Ang akala namin nabiktima ka na rin ng mga hinihinalang aswang dito sa bayan natin, anak," sabad naman ng Tatay niya.
Hindi malaman ni Martina kung paano niya kakausapin ang mga magulang niya. Hindi na niya kayang maglihim sa mga ito. Napaiyak na naman siya.
"Tama po kayo, totoo ang mga halimaw," hindi natimping wika niya.
Nagkatinginan ang mag-asawa. "Ibig sabihin isang halimaw ang nagdala sa iyo sa kakahuyan?" manghang tanong ni Rosana.
Kanina pa siya inuusig ng mga ito habang nasa sala sila. Tumango siya. Nataranta ang Tatay niya. "Naku! Hindi pala tayo dapat makampanti. Mabuti na lang hindi ka nila pinatay,
