Ang lapad ng ngiti ko habang nakikipag-usap sina Ashley at Aira kina Mama at Papa. Nakaupo ako sa sofa at katabi ko si Kuya Rasco.
“Huwag po kayong mag-alala dahil ihahatid namin si Sienna pauwi,” wika ni Ashley.
“Miss Beautiful, hindi mahilig si Sienna sa disco bar, pero kung naghahanap kayo ng kasama, puwede naman ako,” sabat ni Kuya Rasco.
Matamis na ngumiti si Ashley. “Kuya, si Sienna ang gusto naming kasama.”
“Kuya daw," bulong ko kay Kuya Rasco.
Napawi ang ngiti ni Kuya Rasco. “Okay lang!”
“Feeling mo naman gusto ka nila,” bulong ko.
Tumayo si Kuya Rasco at umalis.
“Okay lang sa akin, basta siguraduhin n’yo na hindi lasing na uuwi ang anak ko,” wika ni Mama.
Lumapad ang ngiti ko sa sinabi ni Mama.
“Maraming salamat,” wika ni Ashley.
“Sienna, pumayag na ang Mama mo,” sabi n
