Chapter Eighteen:
"Sino `yon?" tanong ko kay Cash nang makalapit ako sa kanya.
Lumingon s'ya sa akin pagkatapos ay ibinulsa iyong phone n'ya. Ngumiti s'ya at tinapik ang balikat ko.
"Wala, tara na pasok na tayo."
Umawang ang labi ko. Ayaw n'yang sabihin sa akin? Bakit? Ayaw n'yang mag alala ako? Pinagdikit ko ang mga labi ko at tumango. Siguro nga, ayaw n'yang sabihin sa akin dahil ayaw n'yang mag alala ako. Kaya kahit narinig ko iyong sinabi n'ya sa kausap n'ya kanina ay hindi na lang ako magsasalita.
Nakatulog ako agad pagkahiga ko pa lamang sa kama. Ni hindi ko na napansin na humiga si Cash sa tabi ko. Basta ang alam ko lang, nagising ako na wala na si Cash sa tabi ko.
Bumangon ako at ang maliwanag na sikat ng araw agad ang bumungad sa akin. Napansin kong ito parin iyong suot ko k
