Bukang liwayway na nang tumambad sila sa kanilang bahay. Nagulat pa ang kaniyang ina ng mapagbuksan sila nito. "Sus maryusep! Anong nangyari sa'yong bata ka? Bakit ganyan ang suot. Hala! Pasok at magbihis ka bago ka pa makita ng tatay mo!" Gulat ng kaniyang ina.
Mabilis naman silang pumasok at nagulat siya ng makitang maayos na maayos ang loob ng munti nilang bahay. Saktong palabas naman ang kapatid mula sa silid nito at papungas-pungas pa.
"Ate!" Gilalas nito ng makita sila. "Kailan kayo dumating?" Dagdag pang tanong.
"Kararating lang namin." Aniya rito. "Paanong—" Putol na tanong rito.
"Ah ate, magbihis ka na muna. Dahil tiyak pabalik ka si tatay galing babuyan," anito.
"Babuyan?" Ulit niya.
"Oo ate ba—bu—yan," pagbibinsa ng kapatid.
"Oo alam ko ang babuyan pero kailan pa tayo nag
