Napangiti si Amanda nang makita niya ang kaniyang kabuuan sa full size mirror na nasa kaniyang harapan.
Katatapos lang siyang ayusan ng hair and make up artist na kinuha ni Camila na mag-aayos sa kaniya para sa kaniyang kasal.
Yes, today is her wedding day. Puno ng galak ang kaniyang puso. Parang kailan lang, sobrang lungkot ng kaniyang buhay at pilit niyang hinahanap ang kabuluhan nito sa araw-araw. Nagigising siya dahil sa sakit na nasa kaniyang dibdib. Bumabangon para sa kaniyang anak.
Parang kailan lang din, hindi niya alam kung paano niya bubuhayin ang kaniyang anak, iyong hindi umaasa sa kaniyang kapatid na ginagawa ang kaniyang gabi na araw para lang magtrabaho at buhayin sila ng kaniyang anak.
Parang kailan lang din nang desperada na siyang magkaroon ng boyfriend dahil tako
