LEO
Dala ang lahat ng gamit ko ay umalis ako ng kampo kung saan ako na assigned ng ilang buwan. Tulad ng dati na nalipat ako ng destino ay hindi na ako babalik doon ngayong aalis ako at uuwi sa pamilya ko sa Maynila dahil tutuloy na ako sa Quezon pagkatapos ng bakasyon ko.
Sa Infanta kasi sa Quezon Province ay kulang kami ng mga tauhan. Nasa red zone na rin ang lugar at dahil sa madalas na engkwentro sa pagitan ng mga sundalo at mga rebeldeng walang ginawa kun'di ang gumawa ng gulo sa lugar.
Madilim na ng makarating ako ng bahay. Alam ko na hindi inaasahan ng mga magulang ko na maaga akong uuwi ngayon dahil tatlong araw pa kasi bago ang death anniversary ni Yara.
Normally, doon ako tumutuloy sa tuwing babalik ako para sa bakasyon na nakuha ko. Walang mintis na pinupuntahan ko agad
