"Hindi ka pa raw kumakain buwat kaninang umalis ako?" tanong ni Gael nang makabalik ito sa sala.
"Busog pa kasi ako kanina," sagot niya. Dinalhan siya ng pagkain ng kasambahay ni Gael, pero tumanggi siyang kumain. Hindi kasi siya nagugutom kanina.
"Hindi magandang nagpapalipas ka ng gutom. Tara sa kusina para kumain ka," sabi nito at lumapit sa kinauupuan niya. Agad siyang hinawakan sa braso para alalayan sa paglalakad. Hindi na siya tumanggi pa. Hindi dahil hirap talaga siyang maglakad, kung hindi dahil gusto niya ang pakiramdam na hawak siya ni Gael at malapit si Gael sa kanya.
Pagdating sa komedor, nagpahanda ng pagkain si Gael sa may malaking mesa. May malaking mesa sa komedor ni Gael pero ito lang naman ang nakatira sa malaking bahay na ito.
"Kumusta ang Mama mo?" tanong niya. Na
