Natapos ang party na hindi na niya muling nakita si Dylan. Nais pa naman sana niyang mag-sorry sa kagaspangan ni Gael. Mula nang magbalik sila ni Gael sa party, wala na itong ginawa kung hindi uminom nang uminom.
Pinagpapasalamat niyang kinakausap siya ni Ellise, asawa ng kapatid ni Gael na si Gavin, dahil kahit papano hindi siya nababagot at mabilis na lumipas ang oras.
“Kaya mo bang mag-drive?” tanong niya kay Gael nang pasakay na sila sa kotse nito.
“I’m not drunk, Anya,” seryosong sagot nito at sumakay na sa driver seat. Sumunod na rin siyang sumakay sa passenger seat.
“Ihahatid mo ba ako sa bahay?” tanong niya rito habang nagmamaneho ito.
“No. Mula ngayon, sa bahay ko na ikaw titira.”
“Ano?!” gulat na tanong niya.
“Why? Ikakasal na rin naman tayo. Dapat lang na tumira ka na s
