Ilang minuto na ang nakakalipas, hindi pa rin bumabalik si Gael sa opisina nito. Hihintayin sana niya ito para humingi ng sorry sa ginawa niya kanina. Pero mukhang wala nang balak bumalik pa ito. Minabuti na lang niyang lumabas at bumalik sa party. Baka magyaya na rin itong umuwi.
Sa pasilyo, nakita niya si Dylan na naghihintay sa pagbukas ng elevator. Tinawag niya ito. Nais din kasi niyang makahingi ng paumanhin sa nangyari kanina sa kapatid nito.
“Dr. Santillan,” tawag niya rito.
Agad itong lumingon at nakita siya. Ngumiti ito. Ito ang gusto niya kay Dylan — lagi itong nakangiti. Hindi ka mangingiming lapitan ito, hindi tulad ni Gael na laging galit at nakakatakot.
“Anya, what are you doing here?” tanong nito.
“Ah. Wala. Nagpahinga lang ako saglit sa opisina ni Gael,” sagot niya na
