Maaga s'yang nagising. Sinadya n'yang magising ng maaga, para makauwi s'ya habang tulog si Gael. Ayaw na muna kasi n'yang makita at makausap ito. Nais n'yang iwasan muna si Gael. Kagabi nga halos hindi s'ya nakatulog sa kakaisip sa pinag-usapan nila ni Gael. Ayaw n'yang pati ang sariling katawan ay ibigay n'ya kay Gael kapalit ang mga materyal na bagay at pera. Nasasaktan syang isipin na hindi s'ya nalalayo sa mga babae sa bahay aliwan.
Pagdating sa bahay nadatnan n'ya ang kapatid kasama mga kaibigan nito. Nanonood ang mga ito ng telebisyon. Busy naman ang tiyahin sa paghahanda ng pagkain para sa mga bisita. Natutuwa s'ya dahil nagbago ang trato ng tiyahin sa kanila mula ng magkaroon sila ng bahay at tumanggap ito ng pera kay Gael. Masaya s'ya sa nakikita n'ya, pero nalulungkot sa tuwing
