Kabanata 25
Pinagmamasdan ni Lanie ang batang babaeng halos kaseng edad lamang ng anak niyang si Ellory na sampung taong gulang, tuwang-tuwa siya sa mukha nito dahil kamukhang-kamukha ng anak niyang babae ang batang kaharap, mula sa buhok, ang tangkad, kutis, kilos at mukha, para itong pinagbiyak na bunga.
Pero ang pagkakaiba nito sa anak niya may malalim na mata ang bata na halos hindi na nakakatulog ng maayos, wala itong suot na salamin katulad ng sa anak niya, muli siyang napaharap sa kaibigan na may dala sa bata.
“Sigurado ka bang wala na siyang magulang o kapatid man lang?” Tanong ni Lanie sa kaibigan si Nina.
Huminga ng malalim si Nina saka sumulyap sa walang imik na bata, habang ang bata naman ay palibot-libot ang tingin sa mga taong naglalakad sa mall, nasa loob sila ng isang k
