Chapter One hundred
"Boss, sa ospital tayo dederetso." Imporma ng tauhan sa akin. Nagsalubong ang kilay ko. Takang-taka akong tumitig dito.
"Bakit?" agad kong tanong.
"Iyon lang po ang sinabi ni Lily, boss." Kinuha ko ang cellphone ko sa bag at in-check doon kung may tawag o text ba si Bituin o kahit ang ibang kapamilya ko.
Wala naman. Kaya tinawagan ko si Bituin. Walang sagot ang asawa ko. Kumabog nang mabilis ang dibdib ko. May kutob na ako pero ayaw tanggapin ng aking isipan iyon. Itinatanggi ng aking isipan.
"Bilisan natin." Utos ko. Mas tumulin naman ang takbo ng sasakyan.
Malayo ang location. Mahigit tatlong oras na biyahe. Pakiramdam ko'y dekadang paghihintay na iyon. Walang tawag na o text na natanggap. Gusto kong makibalita pero wala man lang kahit isa ang sumagot nang tawag
