Chapter Ninety-seven
Dumating ang araw nang paglusob nila Quiran. Abot-abot ang pagdarasal ko. Gusto kong umuwi ang asawa ko ng buo at walang galos. Kaya habang nasa sala si Rosally ay ito ako sa kusina, nakaupo at umuusal nang panalangin.
Kahit pa handa sila ay kailangan pa ring mag-triple ingat.
"Diyos ko, protektahan n'yo po ang asawa ko at ang lahat ng mga tauhan niya. Ibalik n'yo po siya sa akin ng buo at buhay, panginoon." Mahigpit ang hawak ko sa rosary.
Hindi ko na nga napansin na may luha nang umaagos sa mga mata ko eh.
"S-iya! S-iya!" agad akong napatingin kay Rosally. Pilit nitong iniaangat ang kamay sa direction ng TV. Agad akong tumayo at lumapit dito. Tinignan ko rin ang TV kung saan ay nakita ko ang mukha ni Fely roon. May commercial doon at kita ang maamo nitong mukha.
