PAGDATING na pagdating ni John sa tapat ng bahay ni Rogando ay agad siyang nag-doorbell. Hindi na siya nag-alangan. Wala siyang balak na patagalin pa. Hindi na siya natutuwa. Parehas na nasa picture si Rogando kahit na magkaibang pangyayari, kaya sinunod na niya ang nararamdaman. May mga ebidensya naman na sila, pero parang kulang pa kasi. Pero ngayon, malakas na ang pakiramdam niya. Kailangan lang niyang paaminin ito.
Galing na si John a condo nito pero wala rin ito doon. Ilang araw na raw itong hindi umuuwi doon ayon sa natanungan niya. Kaya nagpasya siyang dumiretso dito sa bahay nito.
Imbes na si Rogando, asawa nito ang humarap sa kanya na ikinagulat niya.
“Matagal nang hindi umuuwi rito si Danilo,” mahina at seryosong sabi nito. Pero iba ang sinasabi ng mata nito kaya hindi niya m
