25
Pinarada ni Jayvee ang kotse niya sa harapan ng penthouse na tinutuluyan niya sa ngayon, pasalamat na lamang siya at nakalabas siya sa tamang oras. Pero kanina pa nakakunot ang noo niya at nakabusangot ang mukha niya dahil sa kakaibang amoy ng kotse niya.
May narinig siyang ingay sa loob din mismo ng kotse niya, animoy kaluskus, lumingon siya sa likuran niya, hanggang sa makita niya ang binatang halos kasing edad lang niya, gulat na gulat siya sa suot nitong polong asul na may bahid ng mga kulay pulang likido, pati sa mukha nito at buhok, lalong sumangsang ang amoy sa loob ng kotse niya.
“Sino ka? Anong ginagawa mo sa loob ng kotse ko? Paano ka nakapasok dito?” Sunod-sunod na tanong ni Jayvee, hindi na niya kinaya ang amoy kaya lumabas na siya sa loob ng kotse, nakita niyang sumunod
