“M-MAY dumi ba ako sa mukha?” taka pang tanong ni Janicah nang mapansin nito na pinagmamasdan lang ito ni Ezekiel.
May ngiti sa labi na umiling si Ezekiel. “Wala, wife. Kain ka pa,” aniya na pinaghimay ito ng inihaw na Tilapya.
“Ikaw rin, hubby, kumain ka pa,” ani Janicah na sinubuan pa siya.
Bawat sandali na kasama niya ang kaniyang asawa na si Janicah, daig pa niya ang nasa isang panaginip lang. Para bang ayaw niyang kumurap sa takot na baka bigla na lamang itong mawala.
Looking back, dalawang taon mahigit itong nakaratay lang sa kama. May buhay, pero nananatiling unconscious. Walang pakialam sa paligid. Walang pakiramdam o emosyon.
Pero ngayon, maituturing talaga ni Ezekiel na isang malaking himala na makabalik si Janicah sa buhay nila. It’s like surreal.
“Wife,” agaw niya sa aten
