MAINGAT na ibinaba ni Janicah si Kieran sa kama at hinayaang maglaro ng laruang kinuha pa ni Ezekiel sa labas. Naupo naman si Ezekiel sa may bandang likuran niya at mula roon ay niyakap siya.
Katulad ng kambal nilang anak, hindi niya rin pagsasawaang pagmasdan si Kieran.
Kahit na ngayon lang niya ito nasilayan at nabuhat, nakakatuwa na hindi ito nangilala man lang sa kaniya. Siya pa itong kailangang mag-adjust kaysa sa anak niya.
“Totoo talaga ‘yong nakita ko na may buhat-buhat si Mama Belle na bata dito sa mansiyon,” aniya kay Ezekiel kapag kuwan.
“Hmmm. Si Kieran ‘yon.”
“Hindi ko man lang siya na-breastfeed, hubby.” Lumungkot na naman ang kaniyang pakiramdam.
“Wife, walang may gusto sa nangyari sa iyo. ‘Wag kang mag-alala dahil hindi namin siya pinababayaan.”
Bumuntong-hininga siy
