“Wow kahit broken si bunso hindi pa rin nagbabago ang timpla ng creamy carbonara niya. Gawin mo kayang business ito sigurado ako papatok talaga ito.” bulalas ng kanyang kuya Val na simula't simula pa lamang ay talagang adik na sa luto niyang carbonara.
Sabagay lahat naman ay gustong-gusto ang pagka-creamy ng pagkakaluto niya.
“Oo nga anak, ano kaya kung doon ka na mag-stay sa bahay natin tapos magnegosyo ka na lang doon katulad nito. Kuha na lamang tayo ng magandang mapu-pwestohan tapos dagdagan mo na lamang din ang mga ibang putahe, tapos pwede mag-dine in. Sigurado papatok iyon, kaysa naman naka-stay ka lamang dito mag-isa ka. Wala ka naman ditong ginagawa para hindi ka na rin ma-boring. Malilibang ka sigurado at kikita ka pa. Tapos nandoon pa ako, maaari kitang tulungan, mga kuya m
