Chapter 33: Confession
NANG makarating sila Agatha at Lucien sa convenience store kung saan nagtatrabaho si Agatha ay bumalik na ulit si Lucien sa tunay na anyo niya.
At habang abala si Agatha sa pagbibihis ng uniform nito ay mabilis namang nilapitan ni Seraphim si Lucien.
"Lucien, sino ba iyong babae kanina? Iyong Morana ba yun? Kakaiba rin ang aura niya katulad ng kapatid mo," agad na sabi ni Seraphim nang makalapit ito kay Lucien.
"Si Morana ba? Tama ka, Seraphim... Katulad ko rin siya, isa rin siyang demonyo gaya ko," paliwanag ni Lucien kaya nanlaki ang mga mata ni Seraphim.
"Kung ganun, kaibigan mo ba talaga siya?" tanong naman ni Seraphim kaya naman napalunok si Lucien.
"O-oo, kaibigan ko lang siya... A-ayoko lang kasing mapalapit si Agatha kay Morana dahil masyadong delika
