"Ganyan ka ba talaga? Kung sino- sino na lang ang mga lalaking lumalapit sa iyo tapos gustong-gusto mo naman," naiinis na sabi ni Acer sa kanya.
Nakadalawang baso pa lamang ito ng brandy pero mukhang may tama na. Hindi na lamang niya ito pinansin at itinuloy ang pagkain ng sisig.
Nakatingin siya sa mga bagong set na dancer na sumasayaw sa stage.
"Sir, wala na po iyang kinalaman sa trabaho ko bilang Yaya ng anak mo. Buhay ko na po ito at ako lang ang magsasabi kung ano ang gagawin ko," naiinis na sagot niya rito na hindi ito tinitignan.
"Kunsabagay, ganyan ka naman talaga... galing ka rito at alam ko na marami ka na ngang lalaki na nakilala."
Masama niya itong tinignan. Wala pa nga siyang first kiss, ni walang first romantic hug at wala pang first boyfriend. Pagkatapos sasabihin nito n
