Nagpatuloy ang paghalik sa kanya ni Dylan na tinutugunan nanan niya. Palalim ng palalim, mapusok, mainit at nadadala siya. Napapaungol na nga siya habang angkin ng asawa ang labi niya. Banayad ring umahaplos ang kamay nito sa may likuran niya ng taas, baba.
Hindi siya sigurado kung tama ba ang ginagawa nila, pero iisa ang sigurado siya. Gusto niya ang ginagawa at pinagsasaluhan nila ng asawa.
Hindi niya alam kung paano nangyari basta na lang niya naramdaman na nakalapat na sa malambot na kama ang kanyang likuran at nasa ibabaw ng kanyang katawan si Dylan, habang angkin pa rin nito ang labi niya.
"Uughhh..," ungol niya nang pakawalan ng asawa ang labi niya para kapwa sila makalanghap ng hangin. Nagbukas din siya ng mga mata at napatitig sa mga mata ni Dylan na nag-aapoy sa pagnanasa.
