"Dylan, sumunod ka sa akin sa opisina ko," utos ng papa niya pagkatapos ng meeting nila.
Magtatanong pa sana siya nang mauna ng lumabas ng meeting room ang ama. Mariin niyang pinikit ang mga mata saka bumuntong hininga.
"How's marriage life, Dr. Santillan?" Tanong sa kanya ni Gael habang naglilipit ng mga papeles sa mesa.
"Good," sagot niya saka ngumiti.
Good and happy naman, kaya lang mukhang hindi pa tapos ang pakikialam ng ama sa kanila ni Hannah. Ilang beses na nga itong nangungulit sa kanya na makausap siya, nagdadahilan na lang siya, alam naman niyang mag aaway lang naman sila nito dahil kay Hannah.
"Happy to hear that," sabi naman nito sa kanya.
"Yeah," tanging tugon niya saka na nagpaalam rito. Hindi sila magkaibigan ni Gael Saavedra, actually magkaaway sila nito, dahil kay
