“OKAY KA NA?”
Buhat sa pagtanaw sa malayo ay ibinaling ni Raven ang kaniyang tingin kay Lhorde. Nasa may rooftop pa rin sila ng Ellison Hotel. At ng mga sandaling iyon ay pinanonood nila ang papalubog pa lang na haring araw.
Kay ganda sa paningin ng kulay kahel na kalangitan.
“Okay na ako,” assurance niya kay Lhorde.
Hindi talaga ito um-attend ng practice ng basketball dahil mas gusto nito na samahan siya at masiguro na okay na mula sa nangyari kanina.
Gusto niyang ipakita kay Lhorde na okay na siya dahil ayaw niyang mag-aalala pa ito sa kaniya. Kahit na deep inside sa kaniya, hindi pa talaga siya emotionally okay.
Nginitian pa niya si Lhorde para maniwala ito sa kaniya.
Bumuntong-hininga naman ito. “Promise me, Raven, hinding-hindi ka na lalabas ng mag-isa.”
Tumango siya. Iminuwes
