PIGIL-PIGIL ni Raven ang magtanong kay Lhorde ng tungkol sa pinag-uusapan kanina ng kaniyang mga kaklase tungkol sa status nito sa Facegram. Kung totoo nga ba na ito ang nag-post ng status na iyon.
Sino naman ang na-mi-miss niyang my princess? aniya pa sa kaniyang isipan.
“Hindi mo ba gusto ang pagkain?”
Saka lang nagawang mag-angat ni Raven ng tingin kay Lhorde. “H-ha?” usal pa niya.
“Kung hindi mo ba gusto ang pagkain?” ulit na tanong ni Lhorde sa kaniya.
Napasulyap pa siya sa chef na napatingin din sa kanilang kinaroroonan. Nginitian niya iyon bago muling tiningnan si Lhorde. “Masarap. Kailan ba nagluto ng hindi masarap si Chef Luhan?” wika pa niya kay Lhorde.
Ibinaba ni Lhorde ang hawak nitong kubyertos at mataman siyang pinagmasdan. “Are you sure? Bago mo pa kasi malunok ang pag
