“P-PAANONG nakapunta ka agad dito?” iyon ang mga salitang lumabas sa bibig ni Raven habang hindi inaalis ang tingin kay Lhorde.
“Lumipad?” biro pa ni Lhorde sa kaniya. “Just kidding. Nang lumipat ka ng puwesto mo, saka ako nagmamadaling pumunta rito. Elevator is the key,” nangingiti pang dagdag ni Lhorde.
Ibinaba na ni Raven ang hawak niyang cell phone. “Bakit pumunta ka pa rito? Baka mamaya niyan, ma-lock na naman tayo.”
“Not anymore. Nagbilin ako sa guard sa baba na may kakausapin lang ako rito sa rooftop kaya ‘wag munang i-lock ang pinto.”
“P-pero bakit kailangan mo pang pumunta rito, Lhorde?”
Namulsa pa si Lhorde nang makalapit sa kaniya. “Dahil ayaw mong maniwala sa akin.”
Seryoso ba talaga ito? Pero hayon at makikitaan nga ng kaseryosohan ang guwapo nitong mukha. Lalo na ang mg
