TAPOS ng kumain sina Raven at Lhorde, pero ang binata, para bang wala pang plano na umuwi sila.
Gusto niyang maningkit ang mga mata habang pinagmamasdan ito na abala sa cell phone nito na maya’t maya ang ngiti.
May iba ba itong kausap sa chat kaya panay ang ngiti nito? Mukhang nakalimutan na ni Lhorde na kasama siya nito.
Kumatok siya sa lamesa para kunin ang atensiyon ni Lhorde.
“Hindi pa ba tayo uuwi? Kung masyado kang busy sa kung sino mang ka-chat o ka-text mo sa phone mo, mauuna na ako. May kailangan pa akong i-review,” dahilan niya kahit wala naman siyang dapat na i-review.
“Okay. Let’s go, then,” anito na tumayo na.
As usual, wala itong binayaran sa Marquin dahil pag-aari ng magulang nito ang mamahaling restaurant na iyon.
Tahimik lang si Raven sa loob ng sasakyan habang nabi
