PINAGMAMASDAN NI ALLAN ang pamangkin na nasa kama at wala pa ring malay. Maraming nakakabit na medical aparatus kay Rafael na halos manakit na ang mga mata ni Allan sa pagmamasid lang dito. Walang ibang tunog na maririnig doon kundi ang ingay ng heartbeat monitor nito at ang breathing aparatus na tumutulong sa paghinga nito.
“Feeling sentimental?”
Hindi na siya nagulat sa pagsulpot ng pamilyar na babae sa kanyang tabi. “Good evening, Dr. Garcia.”
“Good evening, Allan. This scene looks kinda familiar, don’t you think? Ang pagkakaiba lang, nasa tabi mo ang mga parents mo nang panahong iyon at matiyagang naghihintay ng paggising mo. Samantalang ang batang ‘yan…all he had was you. The man who wanted nothing more but to see him not waking up.”
“Kasalanan niya kung bakit nasa ganyan syang si
