Masakit ang buong katawan ni Gabriella nang magising. Napapangiwi siya sa bawat pagkilos niya. Iinot- inot siyang nagtungo sa banyo at agad na naligo. Mabuti na lamang at may mga konti siyang damit dito sa loob ng kwarto ni Cedric. Tumamlay ang timpla ng kanyang mukha nang maalala ang binata lalo na ang pagiging tahimik nito. Kahit pa may nangyari na sa kanila, nagsisisi tuloy siya ngayon.
Pagkalabas niya ay nakita niyang naroon si Yaya Ada. Ngumiti ito sa kanya sabay lapag sa tray na hawak nito.
"Pinagbilin ni Senyorito na, dalhan kita rito ng pagkain. Sinabi rin niyang painumin kita ng gamot dahil baka masama pa raw ang pakiramdam mo." Saad ni Yaya Ada.
Napilitan siyang tumango at ngumiti kahit alam niyang namumula na ang kanyang pisngi. Ngunit tila may humaplos sa kanyang puso dahil
